उत्तर कोरियाको शक्तिशाली मिसाइलका अगाडि अमेरिकाका सबै उच्च प्रविधि निश्प्रभावी हुने दक्षिण कोरियाको निश्कर्ष

लाइट नेपाल

दक्षिण कोरियाका अधिकारीहरुले उत्तर कोरियाद्धारा जारी पछिल्लो इन्टर कन्टिनेशनल व्लास्टिक मिसाइल (आईएसबीएम) का अगाडि अमेरिकाको थाड नामको उच्च प्र्रविधि निश्प्रभावी हुने बताएका छन् ।

दक्षिण कोरियामा अमेरिकाले जर्बजस्ती राखेको थाडले उत्तर कोरियाको आईसीबीएम मिसाइललाई कुनै पनि हालतमा रोक्न नसक्ने दक्षिण कोरियाका समाचार एजेन्सीले बताएका हुन् ।

अमेरिकाले केही वर्षदेखि दक्षिण कोरियामा टर्मिनल हाई अल्टिच्युड एरिया डिफेन्स (थाड) नामक उच्च स्तरीय प्रविधिसहितको हतियार जडान गरेको छ । जसले उत्तरको हतियारलाई निश्प्रभावी बनाउन भनेर राखिएको हो ।

दक्षिण कोरियाका उच्च समाचार एजेन्सीहरुले दक्षिणका अधिकारीहरुलाई उदृत गर्दै उत्तर कोरियाले पछिल्लो एक महिनाको बीचमा परीक्षण गरेको दुईवटा मिसाइल निकै शक्तिशाली भएको र त्यसलाई रोक्न सक्ने ताकत अमेरिका वा कुनै पनि शक्तिसँग नभएको बताएका हुन् ।

उत्तर कोरियाको आधिकारिक अनलाइनले दक्षिण कोरियाको समाचार एजेन्सीलाई हवाला दिदै यस्तो समाचार लेखेको हो ।

कोरियाली प्रायद्धीपमा जारी तनावका बीचमा उत्तर कोरियाले जारी गरेको लगातार मिसाइल परीक्षणले अमेरिका, दक्षिण कोरिया र जापानलाई तनाव पैदा भएको विश्लेषण दक्षिणमा गरिएको छ ।

Advertisements
© 2016 लाइट नेपाल मिडिया प्रा.लि.
Designed by appharu.com